Gjatë vitit 2026, Shqipëria vijoi të konsolidojë praninë e saj në tregun ndërkombëtar të turizmit përmes pjesëmarrjes në disa nga panairet më të rëndësishme globale të sektorit, duke promovuar vendin si një destinacion modern, autentik dhe të qëndrueshëm.
Shqipëria u prezantua në ITB Berlin 2026, i zhvilluar në datat 3–5 mars 2026 në Berlin, ku u evidentua transformimi i vendit në një nga destinacionet turistike me rritjen më të shpejtë në Evropë. Gjatë këtij edicioni, Shqipëria paraqiti një vizion të integruar për zhvillimin e turizmit të qëndrueshëm dhe me vlerë të shtuar, duke synuar zgjerimin e aktivitetit turistik përgjatë gjithë vitit, në përputhje me objektivat e Strategjia Kombëtare e Turizmit 2025–2030.
Përmes pavijoneve tematike dhe takimeve me operatorë ndërkombëtarë, investitorë dhe aktorë të rëndësishëm të industrisë, Shqipëria promovoi potencialin e saj në disa segmente strategjike të turizmit. Gjatë prezantimeve u evidentuan gjashtë klasterat strategjikë të zhvillimit turistik, modeli i menaxhimit të integruar të destinacioneve, roli i gastronomisë si pjesë e ofertës turistike, si dhe mundësitë për investime në turizmin bregdetar, kulturor, të aventurës dhe atë të eksperiencës.
Përmes këtyre prezantimeve, Shqipëria synoi të forcojë pozicionimin e saj në hartën ndërkombëtare të turizmit si një destinacion konkurrues dhe në zhvillim të qëndrueshëm.