Shqipëria mori pjesë në Fitur 2025 në Madrid me konceptin “Albania All Senses”, duke prezantuar një stendë të fokusuar tek përvojat, ndjesitë dhe ofertat autentike turistike që vendi ofron.
Pjesëmarrja e Shqipërisë në këtë edicion theksoi qasjen e zhvillimit të qëndrueshëm, rritjen e interesit nga tregjet ndërkombëtare dhe veçanërisht rritjen e vizitorëve nga Spanja dhe Amerika Latine, me 109 mijë vizitorë spanjollë në vitin 2024, ose 26% më shumë se një vit më parë.
Gjatë datave 22–26 janar, stenda e Shqipërisë u shndërrua në një hapësirë dinamike prezantimesh, demonstrimesh digjitale me inteligjencë artificiale, aplikacionit TEA dhe aktiviteteve gastronomike, duke forcuar pozicionimin e vendit si destinacion në rritje në tregun global.