“Nën magjinë e mbrëmjes buzë detit, në sheshin e bukur Lungo Mare, publiku do të përjetojë një koncert gala të jashtëzakonshëm nga Teatri Kombëtar i Operas, Baletit dhe Ansamblit Popullor. Orkestra Simfonike e TKOB-së do të sjellë një atmosferë elegante dhe emocionuese, duke interpretuar vepra të njohura nga repertori klasik dhe bashkëkohor.
Në këtë mbrëmje artistike do të ngjiten në skenë solistet e talentuara Renisa Laçka dhe Nina Muho, të cilat me interpretimet e tyre plot ndjeshmëri dhe virtuozitet do t’i dhurojnë publikut emocione të paharrueshme.
Koncerti do të drejtohet nga dirigjenti Oleg Arapi, i cili me elegancën dhe energjinë e tij artistike do të udhëheqë orkestrën në një udhëtim muzikor unik.
Një mbrëmje gala ku muzika simfonike takohet me bukurinë e bregdetit, duke krijuar një përjetim kulturor të veçantë për të gjithë artdashësit.”
Vlorë, Lungomare
12 Qershor, Ora 20:00