UN Tourism (dikur Organizatë Botërore e Turizmit – UNWTO)
UN Tourism është agjencia e specializuar e Kombeve të Bashkuara që udhëheq dhe koordinon politikat globale të turizmit.
Mandati i saj është të promovojë zhvillimin e turizmit në mënyrë të qëndrueshme, të sigurt, gjithëpërfshirës dhe të aksesueshëm për të gjithë, duke mbështetur vendet anëtare në hartimin e politikave, analizën e tregut, standardizimin, edukimin dhe zhvillimin e kapaciteteve.
UN Tourism bashkëpunon me qeveritë, sektorin privat dhe organizatat ndërkombëtare për të nxitur rritjen ekonomike, krijimin e vendeve të punës, inovacionin dhe mbrojtjen e trashëgimisë kulturore dhe natyrore.
Shqipëria dhe UN Tourism – Shqipëria është anëtare e UN Tourism që prej vitit 1993, duke u bërë pjesë e politikëbërjes dhe standardeve ndërkombëtare të turizmit.
Si vend anëtar, Shqipëria përfiton nga ekspertiza teknike, platformat e bashkëpunimit, programet e zhvillimit të kapaciteteve dhe qasja në statistika, trende dhe praktika të mira botërore.